04/06/2017ظ… - 1:00 م | مرات القراءة: 52


وحده تقول عندي شغالة سيريلانكية تقول العام الماضي قبل رمضان بيوم قمنا الصبح والا الشغالة هاربه من البيت دورنا وسالنا الجيران ما أحد شافها تقول الام

عندي عيال صغار وبنت بالثانوي .. لما قامت بنتي علمناها بالشغالة وبدت تحسب عليها وتسبها وقالت: ان شاء الله يمه انك ماتحتاجين لها.. وصدق من دخل رمضان الى ان خلص وبنتي شايلة البيت شيل والله اني قلت ياليت من زمان هاربة الخدامة .. 

المهم يوم العيد رحت أنا وزوجي للصلاة وقلت لبنتي لبسي اخوانك وانتي تلبسي واجهزي نروح نعيد على اهلي ..

تقول الأم: صلينا صلاة العيد ورجعنا للبيت بسم الله الرحمن الرحيم والا الشغالة بالمطبخ بديت انادي زوجي وعيالي وأنا ماني مصدقة وقعدت اسألها وين رحتي ومنين جيتي بس تهز براسها ولا ندري وش تقول---

.وكل من قلت لاحد السالفة مسك بطنه من الضحك ..

بعد العيد بمدة اشوف بنتي تصرف فلوس وكل ما اسألها تقول جامعتهم.. 

رحنا مرة للسوق والله ما طلبت ولا ريال وشرت بلايز وتنانير واكسسوارات.. شكيت و قلت لايصير أحد لاعب عليها الله يستر تقول ما صدقت اني وصلت البيت الهواجيس براسي ..

تقول نزلنا زوجي بالبيت وراح وتقول واسحبها للغرفة قلت لها: قولي لي اللحين من وين لك الفلوس أحسن لك والا والله لا اخلي ابوك يذبحك المهم قالت ابقول لك بس على شرط ماتعلمين أحد .. 

قالت تذكرين الشغالة لما تحسبونها هاربة.لا ما هربت أنا أجرتها لأهل صديقتي كانت دايم تسأل وتقول ماتعرفين أحد يأجر شغالات برمضان وسألتهم بكم يستاجرونها الناس قالت:بعضهم ب 5000 ريال وبعضهم ب 8000 على حسب ،،، االمهم دخلت الفكره براسي واتفقت معهم ياخذون شغالتنا قبل رمضان ويرجعونها يوم العيد واخذت منهم7000ريال وهذاني اشتغلت لك برمضان أحسن من شغلها.. تقول ماادري اضحك ماادري اصرخ ماادري اصيح ..


هكذا وصلتنا للفائدة

التعليقات «0»


لاتوجد تعليقات!


موقع حروفـي © 2007
استغرق انشاء الصفحة 0.067 ثانية
InnoCastle-Hosting and Designing
Powered by innoPortal
Developed by innoCastle.com