الاستاذ الاديب علي المصطفى - 01/02/2021ظ… - 4:54 ص | مرات القراءة: 121


بيوت الطين                       بتحضن اهلنا الطيبين
سقف  جندل  سقف اجذوع
تحسها غالي التثمين

تقاوم كل ملح  في الارض

تدوم  اسنين  تعيش اسنين

لها ابواب خشب  مشروخ

بتستر داخل الطيبين

لهم نقشات بيتفنن بها النجار

كما اللنجه  اذا يصنعها للبحار 

تحسها  شي ابد ما صار   تحسها   عمر  يتجدد

وسعد و سعد و يد و يد    تحسها  بالسلام    تمتد

 

عوايل كان يجمعهم سقف      واحد و بيت  واحد

تلاقي المطبخ ابيجمعهم ابطيبه        وحب  زايد

وحتى من تجي اجديده     عروسه  تبقى  اتساعد

بيبقوا بروح  وعطر ايفوح     ولا حد منهم  ايعاند      

وفي وقت الغذا ينجبوه    بفرحه والصحن   واحد

في قعدتهم يطيب الاكل    اليهم   والله      الشاهد 

وحتى لو قليل الطبخ

           تشعره كم يكفي اكثار

                             وتحسه شي أبد ما  صار 

وجميع  الاهل في فرحه    مع الطيبه يزيدوا الحمد

وسعد و سعد و يد و يد    تحسها  بالسلام    تمتد

 

بيوت الطين                 عروسه امحنيه  الكفين 

في ( لمبتورب )             حبايبها  على  الصفين 

يبثوها محبتهم      وهي مثل القمر       في العين 

 

بيوت الطين مثل الدان    ومن اجله البحر داشين

نغيب اشهور كأنها اسنين 

ونرجع والعشق عشقين 

وتبقى الفرحه ماتوصف    بعودتنا ونكون سالمين

وبذكر الله   و حمد الله      تبادي خطوة   الرجلين 

و تسعدنا   و تحضنا     مثل ما نقول من العايدين

بنشعرها دفا اعمرنا

               تذكرنا بحضن امنا

                                  تردد اهلا  بالغايبين

سلامتكم وفرحتنا تزين الدار

           ونحسها  شي ابد ما صار

                            كما النحله بتهدي الشهد

وسعد و سعد و يد و يد    تحسها  بالسلام    تمتد

تلاقي  الروزنه  تحضن    يا مبخر او كحل  للعين 

وبعض  ابيوت   للزينه    وبعضها راحة  الطيبين

بتلقى   فيها     سجاده    واحرام   الصلاة الزين

وبعضهم مشمر او اردى

                             وملفع  بالزري  ناقشين

لطلعتهم    او   ازياره     اليها  و العشق  عشقين

وزيارتهم  تزين الدار 

          وتحسه شي ابد ما صار

                             ومن ينظام  نسنده  سند

وسعد و سعد و يد و يد    تحسها  بالسلام    تمتد

 

وبعض ابيوت مساحه اشقد

بتحمل  كل  عطور    الورد

وبعض ابيوت صغيره  ابحد

وتلقاهم يعيشوا السعد 

وما تلقى تذمر     لا        وتلقى اليد تحضن  يد

قناعه  تحمل البهجه        سعاده  والقلوب  أبرد

بيوت الطين عطتنا ادروس

                             بدون اي مدرسه  توجد

بيوت الطين  عطتنا   شي      بذكر  الله     يتردد

ونبينا  محمد الهادي       ومن صلى عليه   يسعد

وذكره منبع الأنوار         نبينا   الهادي    امحمد

وسعد و سعد و يد و يد    تحسها  بالسلام    تمتد تحسها بالسلام تمتد



التعليقات «0»


لاتوجد تعليقات!


موقع حروفـي © 2007
استغرق انشاء الصفحة 0.063 ثانية
InnoCastle-Hosting and Designing
Powered by innoPortal
Developed by innoCastle.com