» لماذا بالعين المجردة ؟؟   » الهلال .. المرجع الديني آية الله الشيخ ناصر مكارم الشيرازي   » السيد علي الناصر وعدد من العلماء: ليس من تكليفنا الشرعي متابعة أمر الهلال في أقصى البلدان   » المرجع الاعلى يستنكر العمل الارهابي ضد الاطفال الابرياء بكابل   » لا زمن للحب أو الكراهية   » عد الى الله وأعد حقوق الناس قبل ان ترفع يديك بالدعاء هذه الليلة   » ( الامام علي بن أبي طالب عليه السلام في مختصر سيرته )   » خريطة طريق علائقية بين موقع القيادة والأتباع:   » هل انفعالاتنا باب حب أم باب كراهية؟   » الفرحه فرحتين  

  

16/01/2016ظ… - 4:37 م | مرات القراءة: 1859


برج الخوصه: هدا برج الخوصه مبين من اسمه يعني اللي مولود في هالبرج ضعيف معضرط ما ياكل .. او ساعات تشوفه يفكر أو ما تدري

يناير الى 18 فبراير
 ويش اللي يفكر فيه لانه مخه ما يشتغل مشير يعني .. اللي يميز هدا البرج انه ناري أو كله يبي يتهاوش ولين يتهاوش كله مرگعينه ..
 
19 فبراير الى 20 مارس
 برج التليل: صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..
 
21 مارس الى 19 أبريل
 برج الدوشگ: من اسمه امبين عليه اطبانة نوووم .. يحب الحياه ويحب يدور في سيارته (الدتسون) ويا چفة الخمة المصبنة يعني .. كريم يصرف على الموتر ازيد من يصرف على روحه .. اذا عنده ريال يشتري اليه تلميع ويضرب سيارته ولا يأخذ صابون وينظف روحه ..
 
20 أبريل الى 20 مايو
برج الفانيلة المچتفة: هدا واحد شايت الدنيه جوتي .. اكل او نوم او كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..
 
21 مايو الى 21 يونيو
 برج الخمه: مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. .. فيه عيب واحد .. القص .. يحش واجد..
 
22يونيو الى 22 يوليو
 برج الباميه: احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ) أو كل يوم سياره جديده و .. بس اللي باط جبدي انه يفهم في المدرسه (خبري اللي عندهم فلوس اليك عليهم شوي ..
 
23 يوليو الى 22 أغسطس
 برج الدفه: صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. يموت في شي اسمه مجمع ياطالع ياداش يا داش يا طالع .. واجد يروح سوق الخميس سابقا والسبت حالياً.. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم) ..
 
23 أغسطس الى 22 سبتمبر
 برج ميرندا حمضيات: هدا عاااااد يحب البريه ويحب يصيد بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل( ..
 
23 سبتمبر الى 22 أكتوبر
 برج السچين: واحد دكي وغبي في نفس الوقت (ركبها ما اعرف) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل  .. الشي المميز فيه .. شعره كشه ونعاله زنوبة وكبوس حريقة عليه حرفه تعرفه من بعيد ..
 
23 أكتوبر الى 21 نوفمبر
برج السعفه: واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات اروح من صباحة الله خير يشتري خبز ويغمس ويا چاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..
 
22 نوفمبر الى 21 ديسمبر
 برج الموتر: شخص غريب الاطوار .. لو تقعد وياه ما يعطيك لا حق ولا باطل .. يحب يلعب كورة .. اتشوفه مبدل على طول .. يحب كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..>>عداااااال
 
22 ديسمبر الى 19 يناير
 
برج النخج و الباگلة: هدا من اصعب الناس اللي يمكن يواجهك في حياتك .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه ونحاش بسرعه عنه لا يعديك .. لانه سمعت لك خبر انه هالايام الابراج تعدي .. وخصوصاً برج النخج والباگلة.
 
قراءة ممتعة ان شاءالله



التعليقات «0»


لاتوجد تعليقات!


موقع حروفـي © 2007
استغرق انشاء الصفحة 0.101 ثانية
InnoCastle-Hosting and Designing
Powered by innoPortal
Developed by innoCastle.com